New year offer 2017

இலங்கை செய்திகள்

நாடு தழுவிய ரீதியில் பணிப்புறக்கணிப்பு! தனியார் பேருந்து உரிமையாளர் சங்கத்தின் எச்சரிக்கை

06/27/2022

எரிபொருள் விலையேற்றத்திற்கு ஏற்ற வகையில் பேருந்து கட்டணங்கள் உயர்த்தப்படாவிட்டால் நாடு தழுவிய ரீதியில் பணிப்புறக்கணிப்பு மேற்கொள்ளப்படும் என தனியார் பேருந்து உரிமையாளர் சங்கம் அறிவித்துள்ளது.

இன்றைய தினம் முதல் பேருந்து கட்டணங்கள் உயர்த்தப்பட வேண்டுமென அகில இலங்கை தனியார் பேருந்து உரிமையாளர் சங்கத் தலைவர் அஞ்சன பிரியன்ஜித் கோரிக்கை விடுத்துள்ளார்.

தனியார் பேருந்துகளின் சேவை

இது தொடர்பில் அவர் மேலும் தெரிவிக்கையில், இன்றைய தினம் பேருந்து கட்டணங்கள் உயர்த்தப்படாவிட்டால் நாளை தனியார் பேருந்துகள் சேவையில் ஈடுபடுத்தப்படாது.

பழைய விலைக்கு கொள்வனவு செய்யப்பட்ட எரிபொருட்களை இலங்கை போக்குவரத்துச் சபை டிப்போக்கள், தனியார் பேருந்துகளுக்கு கூடுதல் விலையில் விற்பனை செய்கின்றன. 

குறைந்தபட்ச பேருந்து கட்டணம்

அடிக்கடி எரிபொருட்களின் விலைகளை உயர்த்துவது ஏற்றுக்கொள்ளக் கூடியதல்ல. அரசாங்கம் மக்களுடன் விளையாடி வருகிறது. இது என்றாவது வினையாகும்.

நாடு தழுவிய ரீதியில் பணிப்புறக்கணிப்பு! தனியார் பேருந்து உரிமையாளர் சங்கத்தின் எச்சரிக்கை

 

இதேவேளை, குறைந்தபட்ச பேருந்து கட்டணம் 40 ரூபாவாக உயர்த்தப்பட வேண்டும். எரிபொருள் விலையேற்றம் மற்றும் ஆண்டு கட்டண அதிகரிப்பு என்பனவற்றை உள்ளடக்கி பேருந்து கட்டணங்கள் 35 வீதத்தினால் உயர்த்தப்பட வேண்டும் என அவர் குறிப்பிட்டுள்ளார்.